日本語教師/アン ピッティダー

子供の頃から好きな日本文化、

それに触れてもっと深く学びたい。

Q. 日本語教師になった理由は?

アン ピッティダー

អាង ពេជ្រធីតា

ជំរាបសួរ នាងខ្ញុំឈ្មោះអាង ពេជ្រធីតា។ ខ្ញុំជាគ្រូបង្រៀនភាសាជប៉ុន នៅសាលាពាណិជ្ជសាស្ត្រតាយ៉ាម៉ា។ ហេតុផលដែលខ្ញុំសម្រេចចិត្តធ្វើជាគ្រូបង្រៀនភាសាជប៉ុននៅសាលាពាណិជ្ជសាស្ត្រតាយ៉ាម៉ាគឺមានហេតុផលធំៗចំនួន៤គឺ៖
ទីមួយ: កាលពីនៅក្មេងខ្ញុំចាំថាខ្ញុំធ្លាប់មើលកម្មវិធីទូរទស្សន៍ ដែលនិយាយពីវប្បធម៌របស់ប្រទេសជប៉ុន គឺការតុបតែងផ្កា ហើយខ្ញុំពិតជាមានចំណាប់អារម្មណ៍ចំពោះប្រទេសជប៉ុន និងវប្បធម៌-ប្រពៃណីរបស់ប្រទេស ជប៉ុនខ្លាំងណាស់ ដូច្នេះហើយ ទើបខ្ញុំបានសម្រេចចិត្តចូលរៀនភាសាជប៉ុន។ ដោយសារហេតុផលដែលបាន រៀបរាប់ខាងលើនេះហើយ ទើបខ្ញុំចង់ចែករំលែកនូវបទពិសោធន៍ និងក៏ដូចជាអ្វីៗដែលខ្ញុំធ្លាប់បានឆ្លងកាត់ ទៅកាន់អ្នកដែលមានចំណាប់អារម្មណ៍ពីប្រទេសជប៉ុន និងប្រពៃណី-វប្បធម៌របស់ប្រទេសជប៉ុនដូចខ្ញុំទើបខ្ញុំ ចង់ក្លាយជាគ្រូ។
ទីពីរ: ខ្ញុំគិតថាពេលដែលក្លាយជាគ្រូបង្រៀនភាសាជប៉ុនគឺអាចធ្វើឲ្យចំណេះដឹងរបស់ខ្ញុំរីកចំរើន និងអភិវឌ្ឍន៍ ជាងមុន។ ដោយសារតែនៅពេលដែលបង្រៀនសិស្សគឺខ្ញុំត្រូវស្រោវជ្រាវឯកសារផ្សេងៗ រំលឹកមេរៀន រៀនទុកមុននូវអ្វីដែលត្រូវបង្រៀន ទើបអាចបង្រៀនសិស្សបាន។ ចឹងហើយទើបខ្ញុំគិតថាអាចធ្វើឲ្យកំរិត ភាសាជប៉ុនរបស់ខ្ញុំរីកចំរើនជាងមុន។
ទីបី: ដោយសារតែខ្ញុំជាមនុស្សមិនសូវនិយាយស្តីទើបខ្ញុំគិតថាការងារជាគ្រូបង្រៀនអាចធ្វើឲ្យខ្ញុំអាចប្រាស្រ័យទាក់ទងជាមួយអ្នកដទៃបានល្អប្រសើរជាងមុន និងជួបមនុស្សបានជាច្រើន។ ម្យ៉ាងទៀតនៅពេលដែលសិស្សមាន បញ្ហាផ្សេងៗគឺខ្ញុំអាចរៀនពីវិធីសាស្រ្តដោះស្រាយបញ្ហា និយាយជាមួយមនុស្សជាច្រើន ដូច្នេះហើយការ ប្រាស្រ័យទាក់ទងជាមួយអ្នកដទៃគឺបានច្រើន និងធ្វើឲ្យខ្ញុំអាចស្វែងយល់ពីការគិតរបស់មនុស្សផ្សេងៗគ្នា។
ទីបួន: ខ្ញុំគិតថាអាចធ្វើឲ្យខ្ញុំក្លាយជាមនុស្សចាស់ទុំជាងមុន។ ដោយសារតែពេលដែលនៅចំពោះមុខសិស្សគឺខ្ញុំត្រូវប្រុងប្រយត្ន័ទាំងឥរិយាបថ ប្ញកពារ និងការនិយាយស្តីជាដើម ដូច្នេះហើយពេលដែលខ្ញុំប្រុងប្រយត័្នយូរៗទៅគឺអាចក្លាយជាទម្លាប់ ហើយអាចធ្វើឲ្យការគិត និងរបៀបនិយាយរបស់ខ្ញុំក៏ផ្លាស់ប្តូរទៅតាមនោះដែរ។

CONTACT

お問い合わせ